اشعار خليجية رائعه 2014 ، شعر ياللي غلاك 2015





ياللي غلاك ..

ياللي غلاك يصول في القلب ويجول
وانتي ولا كنك بقلبي دريتي

رحتي وانا مذهول والقلب مذهول
ولا هوب راضي غير لا من رضيتي

الله يسامح زلتي يوم انا اقول
انك بحبي وبالمواصل وفيتي

حاولت ادور لك عذر شبه معقول
ولا لقيت اللي من اجله لقيتي

والمسأله ماتبغي افكار وحلول
لو إانك تعرفين الغلا كان جيتي

والهجر له محصول وأيات محصول
وطول الهجر بيعلمك وش جنتي

يسقى علي ذا لحول ولا قبل حول
يومك ليا طريتي المفارق بكيتي

وانا عن اللي صار ماني بمسئول
مادامك اللي بالمفارق بديتي

روحي وباب العذر ماهو مقفول
يمكن يذكرك الزمن لا نسيتي

واهم شي اني احبك على طول
وانتي على كيفك متى مابغيتي